Domeni pizza.com u shit për 2.6 milionë dollarë

Domeni pizza.com u shit për 2.6 milionë dollarë
Në një ankand online, domeni www.pizza.com i ka sjellë 2.6 milionë dollarë një amerikani i cili e kishte mirëmbajtur faqen që nga viti 1994.
Chris Clark, 43 vjeçar, fillimisht e kishte blerë këtë adresë për vetëm 20 dollarë në vitin 1994, kur sapo kishte filluar rrjeti i internetit dhe kur po tentoj të siguronte një kontrate me një kompani picash.

Në janar, Clark vendosi të shes domenin e tij pasi që kishte dëgjuar për shitjen e vodka.com për tre milionë dollarë në vitin 2006.

"Është çmenduri, thjeshtë është vetëm çmenduri. Mendova, 'pse të mos provoj të shoh se çfarë interesimi mund të ketë? Nëse dikush është i interesuar të paguajë aq shumë për vodka.com, ndoshta ka më shumë interesim në pizza.com", ka thënë Clark.

Ankandi online ka nisur më 27 mars. Oferta e parë ishte 100 dollarë, për tu ngritur në 2.6 milionë një javë më pas. Pas një ankandi javor, ai pranoi ofertën nga një blerës anonim.

Clark është pishman pse nuk ka blerë më shumë domene në vitin 1994, kur rrjeti i internetit po lulëzonte.