Windows XP në shitje deri në vitin 2010

Microsoft lajmëron se versioni Home Edition i sistemit operativ XP përkundër lajmërimeve të mëhershme do të jetë në shitje madje dy vite më gjatë sesa që është planifikuar.

Sa për rikujtim, Microsoft më herët ka thënë se Windows XP do të pushoj së ekzistuari këtë verë, mirëpo për shkak të kërkesës së caktuar për këtë sistem operativ, versioni Home Edition do të mund të blihet deri në vitin 2010, e ndoshta edhe më vonë.

Në fakt, laptopët e ashtuquajtur të lirë siç janë ASUS Eee PC, Intel Classmate PC e OLPC për shkak të harduerit tyre të dobët nuk janë në gjendje të sjellin Vistan dhe për shkak të tyre Microsofti ka vendosur t’i zgjas jetëgjatësinë e XP-së.

Kjo është hera e dytë që Microsoft i zgjat jetëgjatësinë XP-së. Largimi i tij ka qenë i caktuar për 30 janar të këtij viti, mirëpo për shkak të presionit të shfrytëzuesve dhe stërshitësve afati është shtyrë për 30 qershor.